A profesora Sagrario Torrado dirixiu a lectura que o alumnado de ESO 2º fixo de varios contos dos irmáns Grimm. Tras analizar os contos polo miúdo, o alumnado redactou un guión para divulgar o nexo que atopou entre os contos e a transmisión de prexuízos e estereotipos.
Ao final, o alumnado creou a música mediante intelixencia artificial, gravou o proxecto seguindo as indicacións da profesora María José Nieto, e, aplicando os coñecementos adquiridos, editou o podcast de xeito colaborativo.
O 11 de xuño, algunhas das persoas participantes nos clubs de lectura do instituto, acompañadas polas profesoras Sara Paz e Sagrario Torrado, foron de viaxe de fin de curso a Lugo.
Visitaron o Museo Provincial e a Domus do Mitreo, e percorreron a muralla e mais a Domus Oceani.
O alumnado que organizou a venda de doces celtas durantes os recreos xantou nun restaurante, e o resto foi probando a gastronomía das festas do Arde Lucus.
Baixo a dirección das profesoras Carme Moure, Sagrario Torrado e María José Nieto, o alumnado de ESO 1º, 2º e 4º, así como de bac 1º, levou a cabo a dranatización de varios contos e cantos relacionados coa tradición oral.
O traballo deste alumnado representouse na biblioteca diante das familias.
Onte, domingo 8 de xuño, celebrouse na sala Ángel Brage, aquela na que toca a Real Philarmonía de Galiza, a 18ª edición do certame Interdanzas, con gran afluencia de público. A este certame, que nace ao abeiro do noso certame de teatro Intercentros, asistimos este ano, como estrela convidada, o grupo de teatro Vai no Dentista. Contamos con 5 minutos para interpretar dúas escenas da nosa obra "A batalla da fin do mundo" e fomos moi aplaudidos por tan excelso público, entre o que se atopaba a Alcaldesa da cidade, Goreti Sanmartín, e a Concelleira de Educación, Miriam Louzao.
Un magnífico escenario, para uns magníficos intérpretes!
Contan as lendas que a fin do mundo chegará antes do que pensamos. Os prognósticos anunciarana en forma de pestes,
guerras, fames, secas, ausencia de criaturas, enfermidades descoñecidas, e choiva de sangue....
ah! e un diluvio de lume.
Amais disto, haberá unha gran batalla, afirma Vicente Risco, unha guerra de nenos e nenas,
pois daquela xa non haberá persoas adultas.
Vai no dentista representou este mércores 21 de maio unha peza teatral, baseada na nosa tradición oral, e na que pretende
amosar, a través do xogo e a diversión, unha realidade cruel e tan cotiá que acaba por instalarse e normalizarse na nosa
vida e nas vidas das crianzas, igual que aqueles outros sinais, que por tan correntes nos impiden ver que
A batalla da fin do mundo se achega.
Velaquí unha mostra da función en fotografías
Comezamos a semana coa entrada en escena dos grupos de teatro de educación primaria pola mañá, e seguimos con educación secundaria polas tardes.
Hoxe poderemos asistir ás obras do grupo de teatro da Sionlla e ca súa "Mentireira historia da Carapucha verdadeira" e ver en acción á "detective Lan-Bo-Na" do centro N.S dos Remedios.
Xa pola tarde, o centro Mandala regalaranos os ollos e as orellas cun baile dramatizado sobre a historia de Alicia.
Coma sempre no Teatro Principal de Santiago de Compostela!
Coa intención de ambientar o instituto adecuadamente para celebrar o Día das Letras Galegas, este ano decidimos "crear" unhas pandeiretas de atrezzo, nas que adherimos fotos de coñecidas pandereteiras da nosa cultura, así como cantares e cantigas tradicionais.
Ademais, e dado que o 17 de maio é unha data na que tamén celebramos o Día da Loita contra a Homofobia e a Transfobia, decidimos que a cor de fondo das pandeiretas e a súa colocación represenaran a bandeira LGBTIQ+.
Quedaron así de fermosas:
