O equipo de Igualdade do IES Arcebispo Xelmírez 1 acaba de conseguir o prestixioso premio Concepción Arenal da Deputación da Coruña, grazas ao traballo constante dun grupo de docentes que levamos anos formándonos neste tema, e sobre todo ao labor inconmensurable de Sabela Pernas e Carme Moure.
Parabéns!!
Enlace á noticia
Vai no Dentista puxo en escena esta mañá, 25 de novembro, unha peza de microteatro nas aulas de 2º , 3º e 4º de ESO do noso instituto.
O texto no que se basea a peza é unha adaptación dun artigo publicado por Antonio Gala no libro "A quien conmigo va", e aínda sendo un texto ficticio, ten unha base moi real, xa que o autor, no seu momento (na primeira metade dos anos 90), se inspirou nun caso acontecido no sur de España.
A interpretación de Guadalupe Otero conmove ata as bágoas, nunca viramos o alumnado tan atento e respectuoso.
Este comezo de curso, presentámonos ao Certame de Teatro Amador Xuventude Crea, e resultamos finalistas nunha primeira peneirada coa obra A batalla da fin do mundo.
A final tivo lugar os días 31 de outubro e 1 de novembro no Salón Teatro de Santiago de Compostela. O noso grupo de teatro actuou o sábado 1 de novembro ás 20:20 e a rapazada desfrutou coma nunca!
Tres días despois obtivemos o veredicto: Terceiro posto de toda Galicia , por detrás de LaBarata, tamén de Santiago, e Palimocos, de Lugo.
Estamos moi orgullosas de este merecido resultado!
Elixiuse o 11 de outubro para celebrar o Día Mundial da Saída do Armario porque coincide co aniversario da Marcha polos Dereitos LGTBIQ+ que tivo lugar en Washington DC en 1987 e onde acudiron máis de 500.000 persoas para pedir a igualdade de dereitos.
Cada ano, desde 2020, eliximos esta data para traballar esta temática nas aulas e para dar inicio ás nosas reunións no Espazo de Igualdade e Apoio "Revirades".
Este ano, o alumnado de 2º de ESO realizou unha instalación na que metían os prexuízos no armario, e sacaban os dereitos e liberdades.
Esta tarde do 26 de setembro, un grupo de alumnas e alumnos do IES Arcebispo Xelmírez 1, baixo a dirección de Daniel Baamonde e Sagrario Torrado, realizaron na diante do Museo das Peregrinacións unha actuación destinada a conmemorar o Día Europeo das Linguas.
Asistiu ao evento o Secretario Xeral de Política Lingüística, que destacou "o papel da lingua como ponte entre culturas e a necesidade de preservar e fomentar a rica diversidade cultural e lingüística de Europa”. O evento foi publicado no sitio-web da Xunta de Galicia.
Ao longo de este mes de xuño, o alumnado e profesorado que asiste regularmente ás reunións do espazo de igualdade "Revirades", recentemente renomeado, investigou, seleccionou e creou un vídeo con curiosidades sobre os termos e símbolos que caracterizan o colectivo LGBTIQ+. Para estar orgullosos!
A profesora Sagrario Torrado dirixiu a lectura que o alumnado de ESO 2º fixo de varios contos dos irmáns Grimm. Tras analizar os contos polo miúdo, o alumnado redactou un guión para divulgar o nexo que atopou entre os contos e a transmisión de prexuízos e estereotipos.
Ao final, o alumnado creou a música mediante intelixencia artificial, gravou o proxecto seguindo as indicacións da profesora María José Nieto, e, aplicando os coñecementos adquiridos, editou o podcast de xeito colaborativo.
